Mədəniyyət Nazirliyinin Texniki təchizat və əmlakın idarə edilməsi şöbəsinin müdiri Ruslan Ələsgər oğlu Abduləlimov və Kinematoqrafiya şöbəsinin müdiri Cahangir Tokay oğlu Məmmədov yaş həddi ilə əlaqədar vəzifədən azad ediliblər.

Axar.az-ın Mədəniyyət Nazirliyinə istinadən verdiyi məlumata görə, Mədəniyyət nazirinin birinci müavini, Mədəniyyət nazirinin səlahiyyətlərini müvəqqəti icra edən Anar Kərimov bu barədə əmr imzalayıb.

Həmçinin A.Kərimovun digər əmri ilə Mədəniyyət nazirinin müşaviri Aydın Cüməli oğlu İsmiyev öz ərizəsi əsasında tutduğu vəzifədən azad edilib.

Qeyd edək ki, Aydın İsmiyev sabiq Mədəniyyət naziri Əbülfəs Qarayevin ən yaxın adamı sayılırdı.