Məktəblərə tədrisin təşkili ilə bağlı Təhsil Nazirliyi tərəfindən heç bir təlimat verilməyib.

Axar.az xəbər verir ki, bunu Trend-ə Təhsil Nazirliyinin İctimaiyyətlə əlaqələr sektorunun müdiri Cəsarət Valehov deyib.

Onun sözlərinə görə, bəzi ictimaiyyət nümayəndələrindən nazirliyə tədrisin və məktəblər açılacağı təqdirdə fəaliyyətin təşkili ilə bağlı təkliflər daxil olub.

Bu təkliflərin nazirliyə daxil olmasını ictimaiyyətlə qurulan əks əlaqə mexanizmi kimi dəyərləndirən C.Valehov bildirib ki, məktəblərin hansı formada açılacağı bəlli deyil.

Hazırda bununla bağlı müzakirələr aparılır, təkliflər qiymətləndirilir.