Qazaxıstan və Türkmənistandakı, ümumiyyətlə Orta Asiyadakı vətəndaşlarımız bərə vasitəsilə ölkəmizə gətiriləcək.

Axar.az xəbər verir ki, bunu Azərbaycan Respublikası Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev Operativ Qərargahın bu gün keçirilən brifinqində deyib.

"Eyni zamanda Rusiyadan həftə içində vətəndaşlarımız quru yolu ilə ölkəmizə gətiriləcəklər. Gürcüstandan da vətəndaşlarımızın gətirilməsi eyni qaydada təmin olunacaq. Vətəndaşlarımızın gətirilməsi zamanı çarter reyslərində fasilələr ola bilər ki, burada hava şəraiti də rol oynayır", - o bildirib.