Bakıda sürücülər səkiləri zəbt edib. Piyadalar avtomobilini səkilərdə saxlayan sürücülərdən cana doyub.

Axar.az xəbər verir ki, belə hallar əsasən də şəhərin mərkəzində baş verir. Bəzi ara məhəllələrdə isə piyadalar ancaq avtomobil yolu ilə getməyə məcbur olurlar. Piyadaların hərəkətini məhdudlaşdırmaqla yanaşı, avtomobillər səkilərin yenilənmiş daşlarını da sıradan çıxarır və şəhərin görüntüsünə ciddi ziyan vururlar.
Sürücülər dayanacaqlara pul verməmək üçün avtomobilləri boş gördükləri səkilərdə saxlayır. Yol polisləri isə gün ərzində 300-dən çox sürücüyə bu vəziyyətlə əlaqədar protokollar tərtib edir. Ancaq görünən odur ki, buna məhəl qoymayanlar var.

"Xəzərxəbər" əməkdaşının hazırladığı süjeti təqdim edirik: