Sabah tibb işçilərinin imtahanıdır.

Axar.az-ın məlumatına görə, Səhiyyə Nazirliyinin regionlarda attestasiya kursları yekunlaşıb və aprelin 20-də səhiyyə işçilərinin imtahanı başlayacaq.

İmtahan Elmi Tibbi Kitabxananın binasında keçiriləcək. Nazirlər Kabinetinin 2011-ci ildən verdiyi qərara əsasən, Səhiyyə Nazirliyi tərəfindən bütün həkimlər və tibb bacıları attestasiyaya cəlb edilib. İmtahanlardan keçən həkimlərə 5 il müddətinə praktiki tibbi fəaliyyətlə məşğul olmaq imkanı verilir. Keçə bilməyənlər isə 6 aylıq kurslara göndərilir və bu müddət başa çatdıqdan sonra onlar 2-ci dəfə də imtahan verirlər. Bu dəfə də imtahandan keçə bilməyən həkimlərə isə praktiki tibbi fəaliyyətlə məşğul olmaq qadağan edilir. Onlar sonradan istədikləri vaxt sertifikasiya prosesinə qoşula bilərlər.

Xatırladaq ki, Azərbaycan qanunvericiliyinə görə, tibb işçilərinin fəaliyyəti yalnız məhkəmənin qərarı ilə dayandırıla bilər.