Türkiyəli alpinist Ərkan Yücel Azərbaycan və Türkiyənin dövlət bayraqlarını Ağrı dağının zirvəsində dalğalandırıb. Alpinist Ağrı zirvəsinə aparan 5137 metr yolu 5 günə qət edib.

Axar.az xəbər verir ki, növbəti idman zəfəri ilə bağlı fikirlərini bölüşən alpinist Ərkan Yücel deyib:

“Bütün fürsətlərdə idman nailiyyətlərimi Azərbaycan-Türkiyə qardaşlığına ithaf etməyə çalışmışam. Ağrı dağının zirvəsini fəth etməkdə məqsədim bir tərəfdən Qarabağ münaqişəsində Azərbaycana mənəvi dəstəyimi göstərmək, digər tərəfdən isə Ermənistanın Türkiyəyə qarşı əsasız iddialarına qarşı mövqe nümayiş etdirmək olub”.

Qeyd edək ki, alpinist Ərkan Yücel AKUD İdman Cəmiyyətinin üzvüdür.