Millət vəkili, Milli Məclisin Mədəniyyət komitəsinin rəhbəri Qənirə Paşayeva və “Yeni Müsavat” Media Qrupunun rəhbəri Rauf Arifoğlu Tovuz rayonunun Qazıqulu kəndində ötən gün dəfn olunan şəhid gizir Elşən Məmmədovun məzarını ziyarət ediblər.

Axar.az xəbər verir ki, bu barədə millət vəkili Qənirə Paşayeva məlumat yayıb.

Q.Paşayeva qeyd edib ki, daha sonra şəhidin ailəsini də ziyarət ediblər:

“Tovuz rayonu istiqamətində düşmən təxribatının qarşısını alarkən şəhid olan kiçik çavuş Elşən Məmmədovun Qazıqulu kəndində yaşayan ailəsini ziyarət etdik, şəhid qardaşımızın ailəsinə dövlətimizin və hər birimizin hər zaman yanında olduğumuzu bildirdik. Allahdan şəhidimizə rəhmət, ailəsinə və əzizlərinə səbir dilədik. Nur içində yatsın! İnanırıq ki, qanı yerdə qalmayacaq”.