Lənkəran şəhərinin tarixi küçəsi - Müslüm Maqomayev ev 1-dən 20-dək olan 250 metrlik asfalt yolu bərbad vəziyyətdə olmasına baxmayaraq, uzun müddətdir ki, təmir edilmir.

Bu barədə Axar.az-ın redaksiyasına Lənkəran sakinlərinin ünvanladığı şikayət məktubunda qeyd edilib.

Məsələ ilə bağlı Lənkəran şəhər İcra Hakimiyyətindən saytımıza bildirilib ki, sözügedən küçə yaxın vaxtlarda asfaltlanacaq:

“Lənkəranda bu yaxınlarda 38.6 km-lik yolun asfaltlanması tamamlandı. Eyni zamanda da şəhərin 13-ə yaxın küçəsində asfaltlaşma prosesi aparıldı. Yolların asfaltlaşması təqdim olunan qrafik üzrə aparılır. Vəsait ayrıldıqca növbəli şəkildə hamısı asfalt olunacaq. Həmçinin Müslüm Maqomayev küçəsi də”.