"Goranboy qatili"nə hökm oxunub.

Axar.az xəbər verir ki, Gəncə Ağır Cinayətlər Məhkəməsində bir ailənin 7 üzvünü qətlə yetirməkdə təqsirləndirilən Rafiq Hüseynova ömürlük həbs cəzası verilib.

Ötən il oktyabrın 1-də rayonun Səfikürd kəndində R.Hüseynov qayınanasının evinə hücum edib. O, qayınanası Diləzbər Məmmədovanı, arvadı Südabəni, qayını Namiqi, qohumları Ofelya Məmmədovanı, Həvayət Məmmədovanı, Fərqanə Məmmədovanı və azyaşlı İsa Məmmədovu öldürüb. Hadisədən bir müddət sonra Rafiq Hüseynovun qardaşı, 1984-cü il təvəllüdlü Afiq Hüseynov özünü asaraq intihar edib. Bu mənzərəni görən A.Hüseynovun atası Müzəffər Hüseynov isə infarkt keçirərək ölüb.