Bakıda iki avtomobildə yanğın hadisəsi baş verib.

Axar.az FHN-in rəsmi saytına istinadən xəbər verir ki, Bakı şəhəri, Nəsimi rayonunda avtomobil təmiri sexinin ərazisində vətəndaşa məxsus "MERCEDES" markalı yük avtomobilinin banında 1 ədəd elektrik generatoru və kompressorun yanar hissələri yanıb, yüksək temperaturdan yaxınlıqdakı istifadə olunmayan konteynerin qapısı və sahibi məlum olmayan "DAEWOO" markalı sərnişin avtobusunun qabaq sağ tərəf hissəsi əriyib. Yanğından yük avtomobilinin qalan hissəsi və yaxınlıqdakı digər avtomobillər mühafizə olunub.

Yanğın saat 17.55-də yanğınsöndürənlər tərəfindən söndürülüb.