Bakının Bayıl istiqamətində bulvar genişləndirilir.

Axar.az müxbirinin verdiyi məlumata görə, hazırda Bayılda fasiləsiz təmir-tikinti, yenidənqurma işləri həyata keçirilir. Bu tədbirlər planı çərçivəsində yollar genişləndirilir, Badamdar ərazisində yollar təmir olunur.

Bayılın neft buruqları ilə əhatə olunan massivində isə abadlıq işləri görülür, gecəqondular köçürülür, ərazi sahmana salınır. Eyni zamanda, Bayıl dairəsində yerləşən binaların təmiri yekunlaşmaq üzrədir.

Avropa Oyunlarına qədər paytaxt sakinləri şəhərin bu massivində yeni görkəm və mənzərənin şahidi olacaq.