Bu məqamda koronavirsudan danışmaq bəlkə çoxlarımıza qəribə görünə bilər. Amma elə Qarabağ savaşında qələbəmiz üçün virusdan qorunmaq, qaydalara əməl etməliyik.

Axar.az xəbər verir ki, bu fikirləri Füzuli rayonundan seçilən millət vəkili, iqtisadçı alim Vüqar Bayramov qeyd edib.

“Ötən gün 530 vətəndaşımız virusa yoluxub, 101 nəfər müalicə olunaraq sağalıb və evə buraxılıb. Bu o deməkdir ki, ötən gün xəstəxanalarımızdakı 429 çarpayı virusa yoluxanlara verilib və həmin vətəndaşlarımızın müalicəsi üçün əlavə həkimlər ayrılıb. Hər savaşda şəhid və yaralılar olur. Bizim yaralı əsgərlərimizin müalicəsi üçün boş çarpayılara və həkimlərə ehtiyac var. Yoluxma sayı artdıqca yaralılarımıza baxacaq həkim sayı və çarpayı yeri azalır. Qarabağ savaşında qələbəmiz və əsgərlərimizin sağlamlığı naminə pandemiya qaydalarına əməl edək.

Biz birlikdə güclüyük! Qarabağ Azərbaycandır!” - deputat bildirib.