Ana səhifə Toplum |
Azərbaycan Dillər Universitetində (ADU) birinci kurs tələbələri ilə tanışlıq görüşü keçirilib. Fakültə dekanları, kafedra müdirləri və universitetin digər professor-müəllim heyəti ölkənin qabaqcıl universitetlərindən biri olan ADU-nu seçdiklərinə görə tələbələrə, onların valideynlərinə və bu seçimdə dəstək olan hər kəsə minnətdarlıqlarını bildiriblər.
Axar.az xəbər verir ki, görüş zamanı gənclərə ADU-nun rektoru, akademik, xalq yazıçısı Kamal Abdullanın tələbə adını qazanmaqları münasibətilə onlara ünvanlanan təbrikləri çatdırılıb.
Universitetin peşəkar professor-müəllim heyətindən bəhs edən dekanlar tələbələrin etimadını doğrultmaq üçün daim ən yaxşısını edən ADU-da yüksək səviyyədə təhsil vermək üçün mövcud təhsil və tədris sistemi, kredit sistemi ilə tədrisin təşkili, fakültələrin və dil və mədəniyyət mərkəzlərinin fəaliyyəti, tələbələrin biliyinin qiymətləndirilməsi, daxili nizam-intizam qaydaları haqqında məlumat veriblər. Ali təhsil müəssisəsində imtahanların mərkəzləşdirilmiş qaydada təşkil olunduğu və ictimaiyyətə açıq keçirildiyi də vurğulanıb.
Sonda tələbələri maraqlandıran suallar cavablandırılıb.
Qeyd edək ki, 2020/2021-ci tədris ilində ADU-ya qəbul göstəricisi 95,37 faiz olub, ümumilikdə təhsilin bakalavr səviyyəsi üzrə universitetin I kursuna 1607 nəfər qəbul olunub.
Tarix
2020.10.16 / 22:19
|
Müəllif
Axar.az
|