Əpl ticarət nişanının Azərbaycanda rəsmi təmsilçisi "Almastore" mağazalar şəbəkəsində Ayfon telefonlarının satışı dayandırılıb.

Əpl məhsullarını ölkəyə idxal edən "Almastore"dan Report-a verilən məlumata görə, ölkəyə Ayfonların idxalı dayandırılıb və prosesin may ayından sonra bərpa olunacağı gözlənilir:

"O vaxta qədər isə "Almastore" mağazalarında Ayfon satılmayacaq".

Bununla yanaşı bildirilib ki, may ayından sonra Azərbaycana gətiriləcək telefonlar yeni qiymətlə satışa çıxarılacaq və bu, indikindən bir qədər yüksək olacaq.