Lənkəranda evində tiryək məclisi təşkil edən şəxs saxlanılıb.

Axar.az Daxili İşlər Nazirliyinin rəsmi saytına istinadən xəbər verir ki, Lənkəran ŞRPŞ əməkdaşlarının həyata keçirdikləri əməliyyat tədbirləri nəticəsində şəhər sakini, əvvəllər məhkum olduğu bilinən İdrak Ələkbərovun Şeyx Zahid küçəsindəki evində tiryəkxana təşkil etdiyi müəyyənləşib.

Evə baxış zamanı 2 kiloqram 3 qram heroin və digər ləvazimatlar aşkar edilərək götürülüb, habelə orada narkotik vasitələrdən istifadə edən və İ.Ələkbərovdan narkotik vasitə alan həmyerliləri, əvvəllər məhkum olunan Vüqar Əliyevdən 0,65 qram, Cəmil Mirzəyevdən 0,12 qram, Aygün Hüseynovadan 0,096 qram, Cavid Nağızadədən 0,1 qram və Ruslan Nəsirovdan 0,14 qram heroin aşkarlanaraq götürülüb.

***

Oxşar hadisə paytaxt Bakıda da baş verib. Yasamal RPİ əməkdaşlarının həyata keçirdikləri əməliyyat-axtarış tədbirləri nəticəsində Bakı sakini, əvvəllər məhkum olunan Camal Cəbrayılovdan 1 kiloqram 10 qram heroin götürülüb.