Koronavirusa qarşı mübarizədə hər birimiz qaydalara əməl etməliyik. Nəzərə almalıyıq ki, ordumuza dəstək baxımdan çox vacibdir. Çünki virusa yoluxan vətəndaşlarımızın sayının artması həm çarpayı sayına, həm də həkimlərimizin virusa yoluxmuş vətəndaşlarımıza kömək göstərməsinə səbəb olur.

Axar.az xəbər verir ki, bu fikirləri Füzuli rayonundan seçilən millət vəkili, iqtisadçı alim Vüqar Bayramov qeyd edib.

"Gün ərzində 700-dən artıq vətəndaşımız virusa yoluxub, cəmi 100-dən artıq vətəndaşımız sağalırsa deməli təxminən, 600 nəfərlik bir fərq var. Bu o deməkdir ki, 600 çarpayı həmin virusa yoluxmuş vətəndaşlarımız üçün ayrılır, onlara baxmaq üçün həkimlərə ehtiyac olur. Nəzərə alsaq ki, Azərbaycan savaş aparır, savaşda yaralananlar var. Eyni zamanda mülki yaralananlarımız var onlara da çarpayı, həkim lazımdır. Ona görə də koronavirusa qarşı mübarizədə virusa yoluxmamaq, həm də bizlərin orduya dəstəyi çox vacibdir. Ona görə də hər bir vətəndaşımızın bu məsələdə diqqətli olması, virusa qarşı qaydalara əməl etməsi çox vacibdir. Hər birimiz bunu nəzərə almaqla, koronavirusa yoluxma sayını azaltmaqla ordumuza və bizi gözləyən böyük qələbəyə dəstək olmuş olarıq. Düşünürəm ki, hər bir vətəndaşımızın bu məsələdə həmrəylik nümayiş etdirib qeyd edilən qaydalara əməl etməklə virus sayının azaldılmasına, minimumlaşdırılmasına nail olmasına çalışmalıdır".