Bakı şəhəri, Xətai rayonunda "Azərsu" Açıq Səhmdar Cəmiyyətinə məxsus avtonəqliyyat sexində "Man" markalı yük avtomobilin sürücüsü avtomobili təmir etmək məqsədilə yük platformasını qaldırıb.

Axar.az Fövqəladə Hallar Nazirliyinin mətbuat xidmətinə istinadən xəbər verir ki, avtomobildə olan texniki nasazlıq nəticəsində yük platforması aşıb, sürücü platforma və avtomobilin şassisi arasında qalaraq vəfat edib. Xilasedicilər sürücünün meyitini təhlükəsizlik qaydalarına riayət olunmaqla xüsusi alət və avadanlıqlar vasitəsi ilə çıxararaq aidiyyətı üzrə təhvil veriblər.

Əməliyyat saat 16:16-da başa çatıb.