Şagirdlərin birinci yarımil nəticələrinin qiymətləndirilməsi Təhsil Nazirliyinin qaydaları əsasında həyata keçirilir. Situasiyadan asılı olaraq proses baş verəcək.

Axar.az xəbər verir ki, bunu Təhsil naziri Emin Əmrullayev bu gün keçirilən brifinqdə deyib.

"Ötən il şagirdlərin qiymətləndirilməsi onlayn qaydada həyata keçirildi. Lakin hazırda bu proses haqqında danışmaq üçün tezdir. Qiymətləndirmə müvafiq prinsiplər əsasında həyata keçiriləcək. Düşünürəm ki, pandemiya ilə bağlı epidemioloji vəziyyət imkan verərsə, ölkənin bölgələrində mərhələli şəkildə ənənəvi tədrisə qayıdacağıq", - nazir bildirib.