Ana səhifə Toplum |
Uzun illərdir Azərbaycanda fəaliyyət göstərən “MakDonalds” şəbəkəsinin boykot edilməsini doğru hesab etmirəm.
Bu fikirləri Axar.az-a açıqlamasında ekspert Natiq Cəfərli “MakDonalds”ın Azərbaycandakı filialının İnstaqram səhifəsində Qarabağ müharibəsi mövzusunda paylaşmaların silinməsindən sonra sosial seqmentdə boykot edilməsi haqda danışarkən deyib.
“Bu doğru addım deyil, çünki böyük şəbəkələrin əksəriyyəti “fransıza” müqavilələri ilə Azərbaycanda işləyir. Orada fəaliyyət göstərən insanların əksəriyyəti Azərbaycan vətəndaşlarıdır. Hətta bəzi yerli aqrar sahədə çalışan fermerlərdən məhsullar da alınır. Ümumilikdə Azərbaycan iqtisadiyyatına xeyri var, çünki həm iş yerləri yaranıb, həm vergi ödəyiciləridir. Bu tipli şəbəkələr il ərzində milyonlarla manat vergi ödəyir. Ona görə də bu cür boykot çağırılarını doğru saymıram. Əlbəttə, əgər hansısa bir şirkət, beynəlxalq şəbəkə siyasi məsələlərdə haqsız münasibət göstərirsə, buna etiraz bildirmək lazımdır. Amma bunun yolları var: yəni onlara birbaşa müraciət, xarici tərəfdaşları ilə bağlı ümumi məlumat və yaxud da rəqiblərinə bu məlumatın verilməsi və s. Çünki biznes dünyası fərqli işləyir.
Anlayıram, insanların vətənpərvərlik hissləri, Ordumuzun qələbələri bizi çox ruhlandırıb. Əminəm ki, tam qələbə ilə Ermənistanın işğalçı ordusunu torpağımızdan qovub çıxaracağıq və məsələsi bitəcək. Amma iqtisadi məsələlərdə daha həssas davranmalıyıq”.
Tarix
2020.10.30 / 14:06
|
Müəllif
Gülnarə Kazımova
|