Azərbaycan Könüllü Təşkilatları İttifaqının və Gənclərin İnkişaf və Karyera Mərkəzinin təşəbbüsü ilə başladılan “Birlikdə Dəstək” adlı aksiyada GİKM-in Göyçay nümayəndəliyinin Gənc Könüllüləri də iştirak edirlər.

Axar.az-ın bölgə müxbirinin verdiyi xəbərə görə, aksiyanın keçirilməsində məqsəd erməni hücumlarından zərər çəkən və hazırda sığınacaqlara yerləşdirilən vətəndaşlara dəstək üçün yardımlar toplamaqdır.

Gənclərin İnkişaf və Karyera Mərkəzinin Göyçay nümayəndəliyinin direktoru Coşqun İsmayılov bildirib ki, yardımlar toplandıqdan sonra həmin şəxslərə çatdırılacaq.

İanələr Göyçay Heydər Əliyev Mərkəzində könüllülər tərəfindən nümayəndəliyin ofisində qəbul edilərək qeydiyyata alınır.