Müharibə zamanı düşmənin raket zərbələri endirdiyi kəndlərdən biri də Ağdamın Təzəkənd qəsəbəsi olub.

Axar.az-ın bölgə müxbirinin verdiyi xəbərə görə, həmin qəsəbədə məskunlaşan Ağdamın Güllücə kənd sakini, 1951-ci il təvəllüdlü Vəliyeva Qəmər Xosrov qızı deyir ki, müharibənin qızğın vaxtı onların evinə top mərmisi düşüb. Amma buna baxmayaq, o da digər qəsəbə sakinləri kimi, öz evini tərk etməyib.

Düşmən tərəfindən evləri dağıdılan və həyətyanı sahələrinə top mərmisi düşən digər Ağdam sakinləri bildiriblər ki, çətin günləri artıq geridə qalıb. Bu qəsəbədə məcburi köçkün kimi yaşayan Ağdam sakinləri tezliklə öz doğma torpaqlarına qayıdacağı günü səbirsizliklə gözləyirlər. Məhz həmin günü onlara bəxş edən Ali Baş Komandan İlham Əliyevə sonsuz təşəkkürlərini bildiriblər.