Milli Məclisin deputatı, tanınmış həkim Rəşad Mahmudov COVID-19-la bağlı vacib məqamlar açıqlayıb.

Axar.az xəbər verir ki, deputat bu vacib məqamlara diqqət edilməsinin əhəmiyyətini xüsusi qeyd edib:

“Bu gün dünyamızda və eləcə də ölkəmizdə COVID-19-un müalicəsində ən əsas 3 təhlükəli vəziyyət hökm sürür:

1. Kontrol edilməyən qorxu və stress

2. Oksigen saturasiyası 90 faizin altına düşmədən xəstələrin xəstəxanaya yatmaq üçün axın etməsi

3. Antiviral preparatlarin vaxtında qəbul edilməməsi və ya onların yerinə lüzumsuz (antibiotik) və təhlükəli (deksametazon) preparatların qəbul edilməsi.

Əmin olun ki, bu üç vacib məqamı dərk edib ona riayət edən cəmiyyətlər bu pandemiya ilə mübarizədə minimum itki ilə vəziyyətdən çıxacaq”.