Son günlər bəzi KİV orqanlarında Lukoyl-Azərbaycan QSC-nin adından həqiqəti əks etdirməyən sorğu və kampaniya xarakterli paylaşımlar edilib.

QSC-dən Axar.az-a verilən məlumata görə, “Lukoyl-Azərbaycan” adından istifadə edilərək elan edilən sorğu və kampaniyalar qəti şəkildə həqiqətə uyğun deyil. Şirkətdən bildirilib ki, bununla bağlı araşdırma başlayıb:

“Rəsmi qaydada bəyan edirik ki, tərəfimizdən hər hansı bir sorğu və kampaniya elan edilməyib. Müştərilərimizdən xahiş edirik ki, Lukoyl-Azərbaycan QSC-nin rəsmi internet səhifəsində və ya rəsmi Feysbuk səhifəsində olan paylaşımları nəzərə alsınlar”.