Astara Rayon Polis Şöbəsinin əməkdaşlarının keçirdiyi müvafiq tədbirlərlə COVİD-19 infeksiyasına yoluxmuş daha 2 nəfər rayon sakininin yaşayış yerini tərk etdiyini müəyyənləşdirib.

Daxili İşlər Nazirliyinin mətbuat xidmətindən Axar.az-a verilən məlumata görə, Astara rayonunun Kijəbə qəsəbə sakini V.Babayev və Maşxan kənd sakini F.Babayevaya COVİD-19 infeksiyası testinin pozitiv nəticəsinə görə ev şəraitində müalicə təyin edilib və onlara yaşayış yerini tərk etməmələri tapşırılıb.

Astara Rayon Polis Şöbəsinin əməkdaşlarının keçirdiyi müvafiq tədbirlərlə həmin şəxslərin yaşayış yerlərini tərk etdiyi müəyyən edilib və onlar saxlanılaraq yaşadıqları ünvanlara geri qaytarılıblar.

Onların törətdiyi əmələ hüquqi qiymətin verilməsi üçün Astara Rayon Polis Şöbəsinin İstintaq Bölməsində araşdırmalar aparılır.

Qeyd edək ki, indiyədək Astara rayonunda yaşayış yerini tərk etmiş 5 nəfər COVİD-19 xəstəsi barəsində cinayət işi başlanılıb və hazırda istintaqı davam etdirilir.