Azərbaycanda mövcud olan 107 ağac növündən 92-nə, 242 növ kol bitkisindən isə 170-nə zəngin təbiətə malik Qarabağ meşələrində rast gəlmək mümkündür.

Axar.az xəbər verir ki, bunu Azərbaycan Milli Elmlər Akademiyasının (AMEA) Botanika İnstitutunun elmi işlər üzrə direktor müavini, biologiya üzrə elmlər doktoru Eldar Novruzov bildirib.

Onun sözlərinə görə, ermənilərin talan etdikləri meşələrdə nadir ağac növləri də var.

Coğrafiya İnstitutunun aparıcı elmi işçisi, coğrafiya üzrə fəlsəfə doktoru Mirnuh İsmayılov isə Qarabağ meşələrinin qırıldığını, yandırıldığını, flora və faunasının məhv edildiyini söyləyib, bu prosesdən ən çox ziyanın Kəlbəcər və Zəngilan rayonlarının çəkdiyini bildirib.