Ana səhifə Toplum |
Milli Məclisin Mədəniyyət komitəsinin sədri Qənirə Paşayeva Tovuz rayonu Dönük Qırıqlı kənd sakini, Vətən müharibəsi şəhidi Nurlan Yaşar oğlu Sultanovun qardaşı Tamerlan Sultanovla görüşüb.
Axar.az xəbər verir ki, millət vəkili şəhidimizin qardaşını düşmən üzərində tarixi zəfər münasibətilə təbrik edib.
Q.Paşayeva məhz şəhidlərimizin, əsgərlərimizin qəhrəmanlığı, fədakarlığı sayəsində 30 illik həsrətə son qoyulduğunu bildirib:
“Qardaşınız Nurlan Prezidentin 24 dekabr 2020-ci il tarixli sərəncamı ilə “Cəbrayılın azad olunmasına görə” medalı ilə təltif edilib. Onunla yalnız siz doğmaları, ailə üzvləri deyil, bütünlüklə qədirbilən xalqımız fəxr edir.
Tanrıdan bütün şəhidlərimizə rəhmət diləyirik!
Şəhidlərimizin qanı yerdə qalmayıb: Azərbaycan tarixi zəfər qazanıb. Bu zəfər münasibətilə təbriki ən çox haqq edən insanlar siz şəhid ailəsi üzvlərisiniz”.
Q.Paşayeva T.Sultanova üzərində “Qarabağ Azərbaycandır!” yazılmış qol saatı hədiyyə edib. Həmçinin Mədəniyyət Komitəsi adından şəhid anası Rəna Teymur qızı Mustafayevaya ünvanlanmış məktubu təqdim edib.
Tarix
2021.01.13 / 10:54
|
Müəllif
Axar.az
|