Axar.az
Yuxarı

Axar.Az Logo

Koronadan sağalanların nəzərinə: Buna diqqət edin...

Ana səhifə Toplum
12 Punto 14 Punto 16 Punto 18 Punto

Koronavirusdan sağalan insanlarda bəzi simptomların qalması və narahatlığın davam etməsi mümkündür. Belə vəziyyət COVİD-19 xəstəliyinin uzanmış və ya xronikiləşmiş variantı adlandırılır. Bu zaman insanlarda başgicəllənmə, təngnəfəslik, ürəkdöyünmə və ürək nahiyəsində ağrılar, ümumi halsızlıq, əzələ ağrıları, iy və dad bilmənin uzun müddət bərpa olunmaması və saç tökülməsi kimi simptomlar müşahidə oluna bilər.

Axar.az xəbər verir ki, bunu Mərkəzi Gömrük Hospitalının invaziv kardioloqu Emin Hacıbalayev qeyd edib. O bildirib ki, bu xəstəlikdən sağalan insanlarda müşahidə edilən kardioloji ağırlaşmalardan biri miokarditdir:

“Miokardit ürəyin orta əzələ qatının iltihabı deməkdir. İltihab dərəcəsi və davamiyyəti hər pasiyentdə fərqli ola bilər. Miokardit əvvəllər qrip kimi kəskin virus xəstəlikləri zamanı müşahidə olunurdu. Lakin COVİD-19 xəstəliyində miokardın zədələnməsi fərqlənir. Belə ki, miokardı təşkil edən əzələ hüceyrələri – sarkomerlər ciddi şəkildə zədələnir, sanki bıçaqla kəsilmiş kimi bir vəziyyət alınır.

Araşdırmalar zamanı COVİD-19 xəstələrinin 20 faizində, kontrol qrupun isə 7 faizində miokard fibrozu aşkar edilib. Maraqlı və xoşagəlməz hal odur ki, bu dəyişikliklər hətta COVİD-19 xəstəliyini simptomsuz və yüngül keçirən insanlarda da qeydə alınıb.

Miokarditin əsas simtomları isə ürək nahiyəsində ağrılar, ürəkdöyünmə, aritmiya, təngnəfəslik və hərarətin qalxmasıdır.

Miokarditin ağırlaşmaları həyati təhlükəli aritmiyalar, ürək çatışmazlığı, ani ölüm kimi hallara səbəb ola bilər. Bütün bunları nəzərə alaraq, COVİD-19 xəstəliyindən bərpa olunan pasiyentlərin, həmçinin miokardit şübhəsi olan pasiyentlərin minimum instrumental və laborator müayinələrdən (EKQ, EXO-KQ, troponin) keçmələri məsləhət görülür.

Ehtiyac olarsa, daha dərin müayinələr – MRT, EKQ-Holter və koronar angio müayinələr də aparılmalıdır. Digər vacib məsələ, belə pasiyentlərdə fiziki aktivliyin 3-6 ay ərzində məhdudlaşdırılmasıdır”.

Tarix
2021.01.13 / 23:36
Müəllif
Nərmin Əkbərli
Şərhlər
Digər xəbərlər

Ölkəmizdən korona ilə bağlı möhtəşəm göstərici

Polis aeroportda əməliyyata başladı, saxlanılanlar var

Qazimizin dili açıldı: sevincindən ağladı... - Video

Yerin kosmosdan heyrətamiz görüntüsü - Video

Hirkan Milli Parkında son durum - Video

Millət vəkili şəhid zabitin atasına saat hədiyyə etdi - Foto

Polisdən icazəsi olmayan şəxslərlə bağlı - Xəbərdarlıq

Bakı küçələrinə 40 texnika çıxarıldı: 554 küçə...

Bakıya sərnişin daşımaq istəyən sürücü həbs olundu

Ölkədə koronavirusa yoluxanların sayı açıqlandı

KULT
<>
Xəbər xətti
 
  
  
  
yatsan
Axar.az'da reklam Bağla
Reklam
Bize yazin Bağla