Ana səhifə Toplum |
Milli Məclisin Mədəniyyət komitəsinin sədri Qənirə Paşayeva və Regional Hüquqi və İqtisadi Maarifləndirmə İctimai Birliyinin (RHİMİB) sədri Arzu Bağırova Masallı rayon, Xoşçobanlı kənd sakini, şəhid əsgər Musa Mustafayevin atası Əlövsət Mustafayevlə görüşüb.
Axar.az xəbər verir ki, Qənirə Paşayeva şəhid atasına bu cür övlad yetişdirdiyinə görə təşəkkür edib. Bildirib ki, Musa artıq təkcə onun deyil, bütün Azərbaycan xalqının övladıdır və o öz adını bu xalqın şərəfli tarixinə yazıb.
Q.Paşayeva M.Musayevin ruhu qarşısında baş əydiyini, şəhidlərimizin heç vaxt unudulmayacağını və əbədi yaşayacağını qeyd edib.
“Sizin oğlunuz Azərbaycan Prezidentinin 15 dekabr 2020-ci il tarixli Sərənmcamı ilə “Vətən uğrunda” medalı ilə təltif edilib.
Musa kimi əsgərlərimizlə hər zaman qürur duyacağıq!
Tanrıya çox şükürlər olsun, şəhidlərimizin qanı yerdə qalmayıb. Azərbaycan tarixi zəfər qazanıb. Sizi tarixi zəfər münasibəti ilə bir daha təbrik edirik!” – millət vəkili deyib.
Tarixi zəfər münasibətilə şəhid əsgərin atasına Milli Məclisin Mədəniyyət Komitəsi və RHİMİB adından məktublar, üzərinə “Qarabağ Azərbaycandır!” yazılmış qol saatı təqdim edilib.
Tarix
2021.01.19 / 21:12
|
Müəllif
Axar.az
|