Milli Məclisin deputatı Siyavuş Novruzov geniş müzakirəyə səbəb olan "Təhsil haqqını ödəyə bilməyən tələbə dərsdən sonra işləsin" açıqlaması barədə fikrini bildirib.

Axar.az xəbər verir ki, bu barədə Unikal.org-a danışan S.Novruzov sözügedən açıqlamanın bu şəkildə müzakirəsinin yersiz olduğunu deyib:

“Əslində tələbənin işləməsində qəbahət yoxdur, əksinə, insanı zəhmətə alışdırır. Mən özüm tələbə vaxtı səhər saat 5-də durub Qaradağa karyerdə daş atmağa gedirdim.

Bir neçə saat işləyib 10 manat alıb gəlirdim. Həmin pulla tələbə yoldaşlarımla səhər yeməyi yeyirdik”.