Axar.az
Yuxarı

Axar.Az Logo

Süni ürək köçürülən qazi normal həyata dönür - Video

Ana səhifə Toplum
12 Punto 14 Punto 16 Punto 18 Punto

Xocalı hadisələrinin canlı şahidi, Birinci Qarabağ Müharibəsi qazisi Xəqani Səlimova Ege Hospitalda süni ürək köçürülüb.

Axar.az xəbər verir ki, əməliyyatı ürək-damar cərrahı, millət vəkili, T.e.d Rəşad Mahmudov icra edib. Əməliyyatda həmçinin Ege Universiteti Tibb Fakültəsi, Ürək və Damar Cərrahiyəsi Kafedrasının müəllimi, ürək və damar cərrahı Prof.Dr Tahir Yağdı və Ege Hospital komandası iştirak edib.

Qarabağ qazisi Xəqani Səlimov 18 sentyabrda vəziyyətinin ağırlaşdığını, yaxşılaşmasına ümidin olmadığı üçün xəstəlik tarixçəsinə baxdıqdan sonra heç kimin onu qəbul etmək istəmədiyini bildirib. Daha sonra Ege Hospitala üz tutan qazinin sağalması üçün burada bütün imkanlar səfərbər edilib, ən kiçik bir şans belə qiymətləndirilib.

Qazini əməliyyat etməyə qərar verən Dr.Rəşad Mahmudov bu əməliyyatın sadəcə bir insanın həyatının qurtarılması deyil, həm də başqa mənəvi dəyər daşıdığını qeyd edərək "Çünkü bu həm də Xocalıdan uzaq düşmüş Azərbaycan əsgərinin qayıtma şansını, ümidləri doğrultma əməliyyatıdır” deyib.

Qazi əməliyyatın keçirildiyi ərəfədə həyatında əlamətdar hadisənin baş verdiyini, ilk nəvəsinin dünyaya gəldiyini və İkinci Qarabağ Müharibəsinin başladığını deyib. O baba olmasının və Qarabağ döyüşlərindən gələn zəfər xəbərlərinin, bir gün yenidən uşaqlığının keçdiyi, böyüdü o torpaqlara qayıtma ümidinin onda yaşamaq üçün böyük stimul olduğunu qeyd edib.

Dr. Rəşad Mahmudov müayinə zamanı ürəyin gücünün 12-13% olduğu və gələcəkdə canlılığın bərpası ilə əlaqədar heç bir ümidin olmadığı bir vəziyyətlə qarşı qarşıya olduqlarını bildirib.

"Hər nə qədər süni ürək transplantasiyası kimi imkanlar olsa da, bu xəstəmizdə ciddi infeksiyanın və sepsisin olması bütün bu şansları əlimizdən alırdı” deyən Rəşad həkim reanimatoloq Uzman Dr.Murat Asıliskender, infeksionist Uzman Dr.Nuri Beslen, terapevt Uzman Dr.Xəyyam Eyvazovun səyləri nəticəsində infeksiyanın, ürək çatışmazlığının nəzarət altına alındığını və xəstəni əməliyyata hazırladıqlarını qeyd edib.

Uğurlu keçən əməliyyatda planlaşdırılan sol mədəcik köməkçi cihazı problemsiz bir şəkildə implantasiya olunub. Sonrakı mərhələdə reanimasiya, əməliyyat sonrası periodu olub və bədənin bu cihaza adaptasiyası üçün vaxta ehtiyac olub. 2 həftəlik təqiblər sonrasında xəstə sağ salamat evinə göndərilib.

Qazi Xəqani Səlimov əməliyyatdan öncə Rəşad həkimin ona dəfələrlə təkrarladığı "Sən Qarabağ qazisisən. Sən yaşayıb Xocalıda məni çaya qonaq etməlisən” sözlərini xatırlayıb. Başda Dr.Rəşad olmaqla, yenidən həyata qayıtmasında rol oynayan hər kəsə öz minnətdarlığını bildirib. Əməliyyatdan sonra özünü 30 yaşındakından daha gümrah, güvənli hiss etdiyini bildirən qazi "İstəyirəm Azərbaycanda Rəşad həkimlər çoxalsın” deyə qeyd edib.

Dr. Rəşad Mahmudov Azərbaycan səhiyyəsinin, səhiyyəçisinin bu gün və gələcəkdə artan bütün imkanları ilə hər bir vətəndaşın, eləcə də əsgərin arxasında olacağını, onların sağlamlığının ən yüksək səviyyədə qorunmasına kömək edəcəyini bildirib.

Tarix
2021.01.22 / 01:55
Müəllif
Axar.az
Şərhlər
Digər xəbərlər

Həbsdən çıxan dünya çempionuna vəzifə verildi - Foto

Bu gün Yel çərşənbəsidir

Bu rayonlara qar yağır – Faktiki hava

Qəza törədən avtomobil daha sonra piyadanı vurdu

Qar bu rayonlarda nəqliyyatın hərəkətini çətinləşdirdi

İsrail qəzeti Hacıyevin təşəkküründən yazdı

Gəncəyə qar yağır - Video

Nazir qadınlardan yazdı: Siyasi bərabərlik...

Ölkədə koronaya yoluxanların sayı açıqlandı

Britaniyalı nazirin təbriki: Azərbaycan fəxr edə bilər...

KULT
<>
Xəbər xətti
 
  
  
  
yatsan
Axar.az'da reklam Bağla
Reklam
Bize yazin Bağla