Rusiya hökuməti Azərbaycanın 13 müəssisəsə və fərdi sahibkara bu ölkəyə yanvarın 25-dən etibarən pomidor və alma ixrac etmək icazəsi verib.

Axar.az xəbər verir ki, bu barədə “Rosselxoznadzor” məlumat yayıb.

Bu müəssisə və fərdi sahibkarın 6-sı pomidor, 7-si isə alma ixracı ilə məşğuldur.

“Soyuzaqrikontrakt”, “Amoris”, “D.Fruits fermer təsərrüfatı”, “QrantGarden”, “Agrarco”, “Ecofruit” və “Yaşıl bağlar” alma tədarükü üçün icazə verilən müəssisələrdir.

“Novas Agro”, “TechnoAqro”, Bəhruz Sərdar oğlu İslamzadə, Şəfəq Firudin qızı İbrahimova, Şakir Nəbi oğlu Hüseynov və "Cavid" fərdi sahibkar və müəssisələrinə isə pomidor tədarükünə icazə verilib.