Milli Məclisin Mədəniyyət komitəsinin sədri Qənirə Paşayeva şəhid Milli Qəhrəman Əliyar Əliyevin qızı Pərvanə Haşımova ilə Milli Məclisdə görüşüb, onu tarixi zəfər münasibətilə təbrik edib.

Axar.az xəbər verir ki, millət vəkili qəhrəmanımız Əliyar Əliyevin əsgərlərinin torpaqlarımızın işğaldan azad edilməsində müstəsna rol oynadıqlarını bildirib.

“I Qarabağ müharibəsində fədakarlıqla iştirak edib, qəhrəmanlıqlar göstərən Əliyar Əliyevin ruhu şaddır. Onun yetirmələri, silahdaşları, doğmaları da Vətən müharibəsində döyüşdü, qələbəmizə öz töhfələrini verdilər. Tanrıdan bütün şəhidlərimizə rəhmət diləyirik!”, - Q.Paşayeva qeyd edib.

Millət vəkili şəhid Milli Qəhrəmanın qızına Mədəniyyət Komitəsi adından məktub təqdim edib.

Qəhrəmanımızın qızı səmimi görüş üçün Q.Paşayevaya təşəkkür edib.