Milli Məclisin Mədəniyyət Komitəsinin sədri Qənirə Paşayeva Sumqayıt şəhər sakini, Vətən müharibəsinin şəhidi Murad Məmmədovun atası Yusif Məmmədovla görüşüb.

Axar.az xəbər verir ki, millət vəkili şəhidin atasını işğalçı Ermənistan üzərində tarixi zəfər münasibəti ilə təbrik edib.

“Murad Vətən müharibəsi başladıqda, qardaşının ön cəbhədə olmağına baxmayaraq, özü də könüllü olaraq, 1 oktyabrda cəbhəyə yola düşüb. O, 25 oktyabrda Qubadlı uğrunda gedən döyüşlərdə qəhrəmancasına şəhid olub.

Oğlunuz Azərbaycan Prezidentinin sərəncamları ilə “Vətən uğrunda” və “Qubadlının azad olunmasına görə” medalları ilə təltif olunub.

Şəhidlərimizin qanı yerdə qalmayıb. Azərbaycan tarixi zəfər qazanıb”, - millət vəkili bildirib.

Millət vəkili şəhid atasına Mədəniyyət Komitəsi adından məktub və üzərində "Şuşa Azərbaycandır!" yazılmış qol saatı təqdim edib.