Gəncəyə atılan raket nəticəsində 9 məktəb zədələnib.

Axar.az xəbər verir ki, bunu Gəncə şəhər təhsil şöbəsinin müdiri Anar Qədiməliyev deyib.

O bildirib ki, 7 məktəbə dəyən ziyan ciddi deyil, lakin 4 və 29 saylı məktəblər yararsız vəziyyətdədir. Hər ikisində təmir işləri aparılır.

29 saylı məktəb 4 nömrəlidən nisbətən köhnə olduğu üçün daha çox zədələnib. Məktəbin 929 şagirdi hələ ki, yaxında yerləşən 28 nömrəli məktəbdə təhsil alacaq.

A.Qədiməliyevin sözlərinə görə, erməni terroru nəticəsində atılan raketə görə psixolojı travma alan şagirdlər üçün Gəncəyə psixoloqlar ezam olunub.