Milli Məclisin Mədəniyyət Komitəsinin sədri Qənirə Paşayeva Vətən müharibəsinin şəhidi, Azərbaycan Dövlət Akademik Musiqili Teatrının əməkdaşı olmuş Əliağa Məmmədovun atası Eldəniz Məmmədovla Milli Məclisdə görüşüb.

Axar.az xəbər verir ki, millət vəkili şəhid atasının qayğıları ilə maraqlanıb, onunla fikir mübadiləsi aparıb.

Düşmən üzərində qazanılan tarixi zəfər münasibətilə şəhid atasını təbrik edən Qənirə Paşayeva qeyd edib ki, bu təbriki ən çox şəhid ailələri haqq edir:

“Vətən yolunda canından keçən Əliağa Məmmədov artıq təkcə sizin yox, hamımızın, Azərbaycan xalqının övladıdır və bu xalq onun xatirəsini hər zaman əziz tutacaq”.

Sonda şəhid mədəniyyət işçisinin atasına Mədəniyyət Komitəsi adından məktub təqdim edilib.