Azərbaycan Ordusunun 2020-ci ilin sentyabrın 27-dən həyata keçirdiyi əks-hücum əməliyyatları nəticəsində Ermənistan silahlı qüvvələrinin işğalından azad edilmiş Tərtər rayonunun Suqovuşan kəndinin bərpası istiqamətində işlər davam etdirilir.

Axar.az Report-a istinadən xəbər verir ki, kəndə gedən avtomobil yolunun bərpası işləri ilkin mərhələ üzrə yekunlaşıb.

“Suqovuşan-1” və “Suqovuşan-2” Kiçik Su Elektrik Stansiyalarında əsaslı təmir və bərpa işləri aparılır. Eyni zamanda kənd ərazisinin minalardan təmizlənməsi istiqamətində işlər görülür.

Qeyd edək ki, kənd ötən ilin oktyabrın 3-də müzəffər Azərbaycan Ordusu tərəfindən işğaldan azad edilib.

Suqovuşan kəndindən fotoları təqdim edirik: