Havanın qarlı və küləkli olması bu gün məktəblərdə dərsə davamiyyətə ciddi təsir edib. Davamiyyətin aşağı olması, eyni zamanda şaxtalı hava şəraitinin davam edəcəyi barədə xəbərdarlıq sabah məktəblərdə əyani formada dərslərin keçirilib-keçirilməyəcəyi ilə bağlı da suallar yaradıb.

Axar.az xəbər verir ki, bu barədə Təhsil Nazirliyinin açıqlamasında məktəblərdə fevralın 25-də tədrisin dayandırılması ilə bağlı qərar olmadığı bildirilib.

"Nazirlik bu barədə qərar verməyib. Belə qərar olduğu zaman rəsmi şəkildə ictimaiyyətə açıqlanır", - məlumatda qeyd edilib.