Ana səhifə Toplum |
Baş Prokurorluq bəzi kütləvi informasiya vasitələrində və sosial şəbəkələrdə Bakı Şəhər Prokurorluğunun İstintaq İdarəsinin sabiq böyük müstəntiqi Müşfiq Abbasovun yenidən istintaqa çağrılması ilə bağlı məsələyə münasibət bildirib.
Axar.az xəbər verir ki, Baş Prokurorluğun Mətbuat xidmətindən Unikal.org-a Müşfiq Elman oğlu Abbasovun 11 sentyabr 2017-ci ildə yol verdiyi nöqsanlara görə prokurorluq orqanlarindan xaric olunduğu bildirilib:
"Bununla yanaşı, M.Abbasov Bakı şəhəri, Səbail Rayon Məhkəməsinin 06.12.2017-ci il tarixli hökmü ilə CM-nin 178.2.2, 178.2.3, 178.2.4 və 309.1-ci maddələri ilə nəzərdə tutulmuş cinayət əməllərini törətməkdə təqsirli bilinərək 2 il 6 ay müddətə dövlət və yerli özünü idarə orqanlarında rəhbər vəzifə tutmaq hüququndan məhrum edilməklə 4 il 6 ay müddətə azadlıqdan məhrumetmə cəzasına məhkum edilib, barəsində CM-nin 70-ci maddəsi tətbiq edilməklə 3 il sınaq müddəti ilə həmin cəzaya şərti məhkum edilib.
Hazırda Bakı Ağır Cinayətlər Məhkəməsində baxılan cinayət işi isə onun törətdiyi yeni cinayət faktları ilə bağlıdır".
Tarix
2021.03.01 / 14:03
|
Müəllif
Axar.az
|