Bir ay ərzində Əmək və Əhalinin Sosial Müdafiəsi Nazirliyinin "Qaynar xətt"inə 8 mindən çox müraciət daxil olub.

Nazirlikdən Axar.az-a verilən məlumata görə, may ayında "Qaynar xətt"ə daxil olan 8029 müraciətin 3214-ü (40,03%) sosial təminat, 2126-ı (26,47%) əmək qanunvericiliyi, 1204-ü (15%) nazirliyin elektron xidmətlərindən istifadə, 838-i (10,44%) tibbi-sosial ekspertiza və əlilliyi olan şəxslərin reabilitasiyası, 647-i (8,06%) məşğulluq məsələləri üzrədir. "Çağrı mərkəzi"nə daxil olan müraciətlərin 7438-i (92,6%) qeyd olunan məsələlərə dair sorğulardan ibarət olub. Həmin sorğularla əlaqədar vətəndaşlara müvafiq məsələlərə dair hüquqi izahatlar verilib.

Qeyd edək ki, may ayında 142 "Çağrı mərkəzi"nə daxil olan müraciətlərin sayı əvvəlki aprel ayı ilə müqayisədə 21,58% azalıb.