Avropa Oyunlarının məşəli Bakıya çatdığı gündən açılış mərasiminə kimi bəzi yollarda hərəkət məhdudlaşdırılacaq.

Nəqliyyatın İntellektual İdarəetməsi Mərkəzindən Axar.az-a verilən məlumata görə, 7 iyun tarixində Məşəl Bakıya qayıdacaq. 12 iyun tarixində keçiriləcək Avropa Oyunlarının Açılış Mərasimindən əvvəl Bakıda və Bakı 2015-in keçiriləcəyi obyektlərdə beş gün ərzində tədbirlər təşkil olunacaq.

Belə ki, bu tədbirlərlə əlaqədar olaraq, Məşəl Bakıya çatanda, xüsusilə də 7 iyun tarixində bəzi yollarda nəqliyyatın hərəkəti məhdudlaşdırılacaq. NİİM bu tarixdə nəqliyyatın hərəkətinin məhdudlaşdırılacağı yollar və vaxtlar haqda əhalini məlumatlandırmaq üçün xəritə tətbiq edib.

Axar.az xəritəni təqdim edir.