İlhamla Mehribanla Zirvələrə Azərbaycan Sosial İnkişafa Dəstək İctimai Birliyinin (İMZA) kollektivi və könüllüləri Füzuli rayonu Horadiz şəhərində şəhid ailələrini ziyarət edib

Bu barədə Axar.az-a İctimai Birliyinin Beynəlxalq və İctimaiyyətlə Əlaqələr departamentinin direktoru Elnar Məmmədli məlumat verib.

İMZA Sosial İnkişafa Dəstək ictimai Birliyinin sədri Xəyyam Əsgərov səfərin əsas məqsədinin ölkəmizə və xalqımıza müzəffər dövlət və millət olmaq qürurunu yaşatmış şəhidlərimizin ailələrini ziyarət edib, onlara diqqət və qayğı göstərmək olduğunu bildirib.

Qeyd edək ki, görüşlərdə Milli Məclisin Füzuli rayonundan olan deputatı Vüqar Bayramov, Füzuli rayon İcra Hakimiyyətinin, yerli bələdiyyənin nümayəndələri, YAP Səbail rayon Qadınlar Şurasının sədri, iqtisadçı alim Təranə Kərimova, sosioloq Zəminə Səfərova, o cümlədən rayonun fəal qadınlarının təmsilçiləri də iştirak ediblər.