Yuxarı

Yaponiya səfiri Gəncəyə getdi - Foto

Ana səhifə Toplum
12 Punto 14 Punto 16 Punto 18 Punto

Gəncə Şəhər İcra Hakimiyyətinin başçısı Niyazi Bayramov Yaponiyanın Azərbaycana yeni təyin olunmuş fövqəladə və səlahiyyətli səfiri Cuniçi Vada ilə görüşüb.

Gəncə Şəhər İcra Hakimiyyətindən Axar.az-a verilən məlumata görə, Niyazi Bayramov qonağı salamlayaraq, qədim tarixə malik olan Gəncənin sənaye, mədəniyyət, idman və digər sahələri barədə ətraflı məlumat verib.

O bildirib ki, Prezident İlham Əliyevin müvafiq sərəncamı ilə bu il ölkədə dahi mütəfəkkir Nizami Gəncəvinin 880 illik yubileyi münasibətilə “Nizami ili” elan edilib. Bu isə Nizami yurdu kimi tanınan qədim Gəncə üçün böyük əhəmiyyət kəsb edir.

İcra başçısı həmçinin, qonağın nəzərinə çatdırıb ki, Gəncə Azərbaycanın ikinci böyük sənaye şəhəridir. Burada Beynəlxalq Hava Limanı, Gəncə Avtomobil Zavodu, AzərAlüminium MMC, “Gəncə Şərab - 2” kimi iri sənaye müəssisələri fəaliyyət göstərir.

Vətən müharibəsi zamanı cəbhə xəttindən aralıda yerləşən Gəncə şəhərinin Ermənistan silahlı qüvvələri tərəfindən raket atəşinə məruz qaldığını diqqətə çatdıran icra başçısı nəticədə 26 dinc sakin həlak olduğunu, 120-dən çox şəxsin ağır xəsarət aldığını, yaşayış binalarına, infrastruktur obyektlərinə, tarixi və dini abidələrə, təhsil və səhiyyə ocaqlarına ciddi ziyan dəydiyini bildirib.

Yaponiyanın Azərbaycandakı səfiri Cuniçi Vada görüşdən böyük məmnunluq hissi duyduğunu qeyd edib. O, regionlara ilk rəsmi səfərinin Gəncədən başladığını söyləyib. Səfir müharibə zamanı baş verən hadisələrdən məyus olduğunu dilə gətirərək mülki əhaliyə yönələn terror aktlarını pisləyib.

Səfir qeyd edib ki, Gəncəyə gəlişinin əsas məqsədi hər iki ölkə arasında iqtisadi, sosial, idman, mədəniyyət və digər sahələrdə mövcud olan əlaqələrin genişləndirilməsidir. Cuniçi Vada xatırladıb ki, Yaponiya hökuməti Azərbaycanda təhsil, səhiyyə və idman sahələrinin inkişafına yönələn iki yüzdən çox kiçik qrant layihələr icra edib ki, onlardan da 10-a yaxını Gəncənin payına düşür. Səfir bu əməkdaşlığın genişləndirilməsində maraqlı olduqlarını dilə gətirib.

Görüşdə Yaponiyanın Gəncədə icra etməyi düşündüyü layihələr ətrafında müzakirələr aparılıb. Bunlardan ən önəmlisi məişət tullantılarının emal edilərək alternativ enerji əldə edilməsi istiqamətində görüləcək işlərlə bağlı olub.

Həmçinin, Niyazi Bayramov Gəncənin Yaponiyanın sənaye şəhərlərindən bir ilə qardaşlıq əlaqələrinin qurulmasını təklif edib. Bu fikri müsbət qarşılayan Cuniçi Vada Yaponiya və Azərbaycan arasında qurulan diplomatik əlaqələrin 30-cu ildönümü münasibətilə 2022-ci ilin “Dostluq İli” elan edildiyini bildirib. “Dostluq İli” çərçivəsində Gəncədə də bir sıra tədbirlərin həyata keçirilməsi nəzərdə tutulur.

Görüşdən sonra Yaponiya səfiri Cuniçi Vada Ermənistan silahlı qüvvələrinin Gəncəni raket atəşinə tutması nəticəsində dağılan ərazilərə baş çəkib. Ermənilərin törətdiyi terror aktının nəticələri ilə yerində tanış olub. Gün ərzində səfir Gəncənin bir sıra idman və mədəniyyət ocaqlarında da olacaq.

Tarix
2021.03.04 / 17:46
Müəllif
Axar.az
Şərhlər
Digər xəbərlər

Vaşinqton bu ölkəyə qarşı yeni ittifaq yaradır

Araikin müsahibəsi ilə bağlı AzTV-dən yeni açıqlama

Əskipara qəribə durum: evinin yarısı Azərbaycana düşür - Video

Bu video Musəvinin başına dərd açdı: İstefası tələb edildi

Araikin müsahibəsi buna görə yayımlanmadı - Sensasion iddia

Bəs, İranın “qırmızı xətti” idi? Tehran niyə səsini çıxarmır?

İran bu ölkələri Xəzərə buraxmaq istəmir

Bu, Bakıya təhdiddir: hazırlaşmalısınız – Mixaylov

Makronun “revanş” cəhdi Nikolu niyə qorxutdu?..

Nikolun Qarabağ qərarından sonra Putin ona dedi ki… - Lavrov

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla