Bayram günlərində yoluxma sayının artmaması üçün ola bilər ki, ictimai nəqliyyatin fəaliyyəti dayandırılsın.

Bunu Axar.az-a millət vəkili Fazil Mustafa deyib. O bildirib ki, qeyri-iş günləri karantinin sərtləşdirilməsi doğru addım olmaz:

“Bölgələrə gediş-gəlişin dayandırılması əhaliyə əlavə problemlər yaradır. Hesab edirəm ki, belə qərar çıxış yolu deyil. Əsas məsələ karantin davranış qaydalarına əməl etməkdir. Vətəndaşlardan bunu tələb etmək daha doğrudur. Bu kimi qadağalar xəstəliyin qarşısını almağa kömək etməyəcək. İnsanların vəziyyəti pandemiyaya görə onsuz da yaxşı deyil. Müharibədən sonra isə bu, daha da özünü büruzə verir. Məhdudiyyətlər daha böyük problemlər yarada bilər. Buna görə karantinin sərtləşdirilməsinə ehtiyac duymuram”.