Fövqəladə Hallar Nazirliyi Oruc Novruzovun ölümü ilə bağlı rəsmi məlumat yayıb.

Axar.az FHN-in rəsmi saytına istinadən xəbər verir ki, nazirliyin "112" qaynar telefon xəttinə Şor kanalının Kürdəmir rayonu, Şilyan kəndi ərazisindən keçən hissəsində (ən yaxınlıqdakı xilasetmə məntəqəsindən 100 km aralı, nəzarətsiz ərazidə) 1985-ci il təvəllüdlü Novruzov Oruc Bağır oğlunun suda batması haqqında məlumat daxil olub.

O.Novruzovun cəsədi batdığı yerdən 250 metr aralıda, "Aran" dalğıc axtarış qrupunun xilasedicilər tərəfindən tapılıb çıxarılaraq aidiyyəti üzrə təhvil verilib.

Əməliyyat saat 20:51-də başa çatıb.

Xatırladaq ki, O.Novruzov müsavatçı idi və ötən gün onun çayda faciəli ölümü barədə mediada xəbərlər yer almışdı.