Ana səhifə Toplum |
Vəli Axundov adına Elmi Tədqiqat Tibbi Profilaktika İnstitutunun direktoru, professor Adil Allahverdiyev COVİD-19 virusuna qarşı vaksin olunan şəxslərdə təhlükəli xəstəliklərin yaranması barədə səslənən fikirlərə münasibət bildirib.
Axar.az xəbər verir ki, A.Allahverdiyev Trend-ə açıqlamasında Azərbaycanda əvvəllər koronavirusun olmadığını iddia edən insanlar olduğu kimi, indi də bəlli qrupların vaksinasiyaya qarşı çıxış etməyə başladığını deyib.
“Amma insanlar koronavirusun mövcudluğunu gördükləri kimi, vaksinin təhlükəli xəstəlik yaratması barədə fikirlərin əsassız, ölkəmizdə tətbiq olunan vaksinlərin çox keyfiyyətli və profilaktik tədbir görə bilmək xüsusiyyətinə malik olduğunu gördülər. Buna görə də indi artıq hər bir insan könüllü şəkildə vaksin vurdurmaq istəyir”, - A.Allahverdiyev bildirib.
Vaksin vurdurmaq istəyən insanların sayının getdikcə artdığını deyən A.Allahverdiyev qeyd edib ki, ölkəmizdə istifadə edilən peyvənd inaktivləşdirilmiş, yəni ölmüş viruslardan hazırlanıb.
Tarix
2021.03.09 / 10:09
|
Müəllif
Axar.az
|