Bu gün Bakı Bus MMC-yə məxsus avtobuslarda havanın soyuq olmasına baxmayaraq, kondisioner sisteminin işə salındığı bildirilir.

Bu barədə Axar.az-a müraciətlərində sərnişinlər qeyd edib. Bildirilir ki, sözügedən hal sərnişinlər tərəfindən narazılığa səbəb olub və bir çox şəxsin səhhətinə mənfi təsir edib.

Məsələ ilə bağlı Bakı Bus MMC-dən bildirilib ki, avtobuslarda pandemiya ilə əlaqədar havanın təmizlənməsi üçün havalandırma sistemi işə salınır:

“Məsələ sərinləndirmə sistemlərinin işə salınması və ya texniki nasazlıqla bağlı deyil. Avtobusların salonunda mütəmadi olaraq havanın təmizlənməsi üçün havalandırma sistemi işə salınır. Bu da bildiyiniz kimi, indiki pandemiya şəraitində vacib məqamdır”.