Ana səhifə Toplum |
Bu gün günorta saatlarından başlayaraq 10 saat ərzində Heydər Əliyev prospektinin əsas hissəsinə giriş-çıxış qadağan ediləcək.
Axar.az xəbər verir ki, Olimpiya Stadionunda keçiriləcək sınaq tədbiri ilə əlaqədar bu gün Heydər Əliyev prospekti 10 saat bağlı olacaq. Bununla bağlı bir neçə gün öncə Nəqliyyatı İntellektual İdarəetmə Mərkəzi də məlumat yaymışdı.
Heydər Əliyev prospektinin Babək qovşağından Sabunçu qovşağınadək olan hissəsi 6 iyun tarixində saat 16:00-dan növbəti gün gecə saat 2:00-dək ümumi nəqliyyatın hərəkətinə bağlı olacaq.
Eyni zamanda, Mehdi Hüseyn küçəsinin Parlament prospekti dairəsindən Teymur Elçin küçəsi ilə kəsişməsinədək olan hissəsi 6 iyun tarixində axşam saat 16:00-dan növbəti gün gecə saat 02:00-dək ümumi nəqliyyatın hərəkətinə bağlı olacaq.
Tarix
2015.06.06 / 11:00
|
Müəllif
Nigar İxtiyarqızı
|