Paytaxtda aşkarlanan qumarxana ilə bağlı Binəqədi polisi araşdırmaya başlayıb.

Bu barədə Axar.az-a Binəqədi Rayon Polis İdarəsi 5-ci polis bölməsindən məlumat veriblər.

Bölmədən qeyd edilib ki, gizli kazino ilə bağlı onlara məlumat daxil olub və araşdırma başlanılıb.

Qeyd edək ki, Bakının Binəqədi rayonunda loto oyunu aparılan məntəqədən gizli çəkiliş edilib. 7-ci mikrorayon, 1260-cı keçid, 69 a ünvanında "VİP CLUB"da yerləşən gizli kazinonun video görüntülərini "Qafqaznews" saytı yayılıb. Məlumata görə, obyektin sahibi əvvəllər məhkum olunmuş Vüsal Rzayev adlı şəxsdir.

Xatırladaq ki, Azərbaycan qanunvericiliyinə görə, qumar oyunları qadağandır.