Bu gün Fövqəladə Hallar Nazirliyinin xilasediciləri 3 nəfəri suda batmaq təhlükəsindən xilas edib.

Axar.az FHN-in rəsmi saytına istinadla xəbər verir ki, Bakı şəhəri, Sabunçu rayonu ərazisində dənizdə (ən yaxın xilasetmə məntəqəsindən, təxminən, 1500 m məsafədə, nəzarət olunmayan ərazidə) batmaq təhlükəsi ilə üzləşmiş 2 nəfər Fövqəladə Hallar Nazirliyinin dalğıc-xilasediciləri tərəfindən xilas olunub.

Daha bir nəfər isə Qəbələ şəhərində təhlükə ilə üzləşib. Şəhərdə 1 nəfər göldə (məntəqədən 1000 m içəriyə doğru) boğulmaq üzrə olarkən Fövqəladə Hallar Nazirliyinin dalğıc-xilasediciləri tərəfindən xilas edilib.