Ana səhifə Toplum |
Bu gün Milli Məclisin Mədəniyyət Komitəsinin sədri, millət vəkili Qənirə xanım Paşayeva “Vətən Müharibəsi Əlillərinə Kömək” İctimai Birliyinin sədr əvəzi Qalib Əliyev və Birliyin icraçı direktoru Zamin Zeynal ilə görüşüb.
Axar.az xəbər verir ki, millət vəkili birliyin fəaliyəti yüksək qiymətləndirdiyini deyib və onlara uğurlar arzulayıb.
Birlik üzvləri Qənirə Paşayevanın 44 günlük Vətən müharibəsi dövründə, torpaqlarımızın azadlığı uğurunda gedən döyüşlərdə iştirak edən və xalqımıza qələbə zəfəri bəxş etmiş şəhidlərin ailələrinə və qazilərə göstərdiyi diqqət və qayğıdan məmnun olduqlarını vurğulayıblar. Bu fəaliyyətdən dolayı Birliyin sədri Qurban Məmmədovun adından millət vəkilinə Fəxri diplom və xarı bülübün simvolu olan ilə Azərbaycan xəritəsini təqdim ediblər.
Görüş zamanı birliyin fəalları Komitə sədri ilə milli, mədəni, vətənpərvər ruhunda qarşılıqlı əməkdaşlıq məsələlərini müzakirə ediblər, vətənpərvər təşəbbüslərin gələcəkdə də davam etdirilməsinin əhəmiyyətindən danışıblar.
Milli Məclisin Mədəniyyət Komitəsinin sədri Q.Paşayeva Birliyinin fəallarına hədiyyələr təqdim edib.
Tarix
2021.04.06 / 21:52
|
Müəllif
Axar.az
|